الجمرة
بقلم الشاعر عامر مدوار _ الشلف
شعلوها لبطال من جمر الحقرة
واخرجهم ليمين ما يرضاو الذل
ما يرضاو الطايحة تبقى جمرة
تحرق في لقلوب بالكية تشعل
ذوق لستدمار من طعم المرة
قراه الرجلة وتحى و تبهدل
لعاهدهم اوفاو رجال النعرة
فالعشرين جويلية خمسة كمل
فاتت ربع شهور بانت الجرة
عصفت بين رياحها صحرا والتل
جبل مناور زاد للثورة شهرة
وبان اهلال الحق يحكي ويقول
والنجمة ضوات لينا بالفخرة
سال جبل زكار شامخ وامقبل
سال الونشريس يعطيك ابشارة
معقل ثورتنا وشهدو فيه الكل
بوعمامة معروف همة حيدرة
وصفوه العديان مثل الواد احمل
غابت بيسة ثابتة رفدت حرة
و احرايرنا باينة اصل مكمل
تتناوث بفتيل في ضي القمرة
على خاوتها ما تكيد وما تخذل
نعرضك يا صاحبي لجبل عترة
وفي لوراس لثم سيف الله انسل
يكون فيه اسود نعطيك المارة
تاريخهم معروف باين وامفصل
زيد امشي بالورد سول جرجرة
وتلقى اهل النيف تلقى كل افحل
امازيغ احرار همة واشطارة
نسل انسومر فاض وادو وتكسل
سال الدوشكا زيد سول القاره
في يد الحسين برود ايزقلم
