رجاائي

……….

عساني ما انحرم منك
ومن شوفك ومن لقياك
وعسى تبقى معي دايم
بتحيا بي وأنا أحياك

نعيش العمر واللحظة
بتهواني وأنا أهواك
وتتحقق أمانينا
وأتساقى الهنا وإياك

أعبر لك عن أحساسي
واسمع نبرة أنفاسك

وتسمع نبرة أنفاسي
إذا ترجمت إحساسك

ترى ما للعمر قيمه
إذا مانتب معي موجود
عن شفاهي الفرح غايب
ومن روحي الهنا مفقود

لأنك مصدر الهامي
ونبض القلب والأنفاس
على حسك أنا أحيا
ولاغبتي أعيش اليأس

رجائي لا تخليني
وتتركني وتتغلا
وتبعد عن نظر عيني
وتنساني وتتخلا

عساني ما انحرم منك
ومن شوفك ومن لقياك
وعسى تبقى معي دايم
بتحيا بي وأنا أحياك
……….

بقلمي
حسن بن قاسم قحل