مازلت لشعار نجيبها مڨدودة
ومازلت في ڨولي نايا بادي
ومازلت فارس راكب عوده
ومازلت فايز عن اندادي
ومازلت المتعدي دايرله حدوده
ومازلت منجلي ليه حصادي
مازال كلامي عسل شهودة
ومازلت الڨول الطيب نڨادي
ومازلت كلامي جبل يصعب صعوده
ڨولي ورثته من اجدادي
مازلت نجيب عن العين السودة
ومازلت غزال الريم مورادي
مازلت نڨول عالڨصة المهدودة
كلام جميل ماهو سڨادي
مازلت للخير يديا ممدودة
من طبعي جيد ولد لجوادي
ومازال انور تباع عادات جدوده
ومازلت نطفي النيران لي في لكبادي
مازلت في الحفالي نيراني ميڨودة
ومازلت الناس عليا تنادي
مازلت محبتي للشعر موجودة
ومازلت الشعر مسكنه فؤادي
وبإذن الله كريم الجودة
مانبطل ڨولي مهما كثرو الاعادي
