مزالني

الشاعر الجزائر نسر الصحراء جمال جلالي

 ________
 مزالنـــي … فـ الريـم نصيــد
ومـــزال عشقــــي ف الصيد
 مزالنــــي … بعـــــودي واجد
ومـــــزال بزنـــــــادي و عنيد
 مانيش … علــى وذني راڨد
ومانيش ف الميــــدان جديد
 مــانيــش … خايــــن للعاهد
ومـانيـــــش طامـــــــــع نزيد
 مــزالني … بــراودي يُــــرْعَدْ
ومـــــزال ذ القلــــب حديــد
 و مــزالني … ف الڨول نعدد
و مـــــــزال نكتـــــب و نعيــد
 مانيش … علـــى فمــي نمرد
ومانيــــــش نتــــــاع تمرميـد
 ومانيـــش فـي روحي نمجد
و مانيـــــش مغـــرور فريــــد
 مزالنــــي … ڨنـــــدوز مجند
و مــــزال نتعلــــــــم و نريد
 مزالنــــي … لشيخوي نسيد
و مـــــزال نكبـــــــر بالسيد
 مـــــانيش … نكــار و جاحد
و مـــــانيش للغيـــــــر نعيد
 مــــانيش … طايـــح نترفد
و مــــانيش واصـــــــل بعيد
 مزالنـــي … فـ الريم نصيــد
ومـــزال عشقــــي ف الصيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى