عز (ن) وهيبة
بمناسبة اليوم الوطني ٩٢
للمملكة العربية السعودية
…………
إما نعيش أحرار وبلا مذله
وإلا وردنا الموت عز(ن) وهيبه
مانرتضي بالذل والضيم لله
والحق يؤخذ بالرضا والغصيبه
ما حد(ن)ترى بيموت من قبل حله
وكل(ن)بيأخذ من حياته نصيبه
إللي يقدرنا بقدر(ن)نجله
واللي نوى باالشر يلقى المصيبه
حنا السعوديين دآءٍ ودُّلّه
أهل العقول الراسخه والصليبه
شعارنا السيفين والسلم نخله
نسل الأكارم وألاصول العريبه
دون الوطن سيف(ن)للاعدا نسله
تشهد مواقفنا ولا هي غريبه
ندين بالإسلام شرع(ن)ومله
وأرواحنا من دون مكه وطيبه
وسلماننا دام الوطن تحت ظله
أعوام ودهور وسنين(ن)عديده
والله يديم محمد(ن)فارس(ن)له
مروض(ن)للكايده والصعيبه
نسل الملوك مداوية كل عله
تاج وفخر عز وذخر دون ريبه
والحمد للرحمن والشكر لله
ودام الوطن راقي بعز(ن)وهيبه
……….
شعر/
حسن بن قاسم قحل
