اليتامى
عايشين ببيوتنا حزانى
ومفيش أحباب ويانا
غير جارتنا الست بهانة
رغم إنها غلبانة
من يوم أهالينا ما ماتوا
والحزن في قلبنا فاتوا
لا عم طل علينا
أو جفف دمع عينينا
لا خالة سألت عنا
أو سألت إيه أحوالنا
لا صديق للأب يجينا
أو يسألنا إيه مبكينا
أهالينا ياما زاروكم
ولا بأزمة واحدة سابوكم
صحيح ربنا إداكم
والحالة لاعبة معاكم
لكن الكاس بيدور
الضلمة بعدها نور
بالأيتام ربنا وصاكم
القهر لهم ممنوع
براحتكم مش ناقصاكم
عمرنا ما نموت م الجوع
جيلاني
