مهندس يتهم عصابات التهريب بالتنقيب في أرضه المجاورة لتل آثار تمي الأمديد

الدقهلية – حسناء رفعت

 

كشف المهندس الشافعي ممدوح الشافعي من قرية الربع – تمي الأمديد بالدقهلية، عن قيام عصابة لتهريب الآثار بالتنقيب في أرض فضاء ملكه ليلا أملا في العثور على آثار كونها مجاورة للمنطقة الأثرية.

 

وقال في شكوته: عندي مشكلة كبيرة
والدي اشتري قطعه أرض في عزبة بنيخه في تل الربع الي حضرتك صورت فيها فيديو عن جريمة حفر فيها من عدة سنوات.

توفي والدي في ٢٠١٩ و خاطبت هيئة الاثار عشان ابني علي قطعه الأرض وتم تنقيبها علي نفقتي الخاصة وسلمتني هيئة الاثار الأرض جاهزة خالصة للاستتغلال وجاري استخراج تراخيص بناء ليها.

في شخص اسمه (……..)، وبمساعدة اخرين قامو بتزوير عقد بيع للارض الي انا بامتلكها وبفضل ونعمة من الله اكتشفت ان والدي كان مسجل الأرض في السجل العيني.

 

مشكلتي باختصار ان الجار معطلني بهدف انه يحفر في الأرض بتاعتي وده علي سبيل المثال، جالي تليفون يوم ٨/٣/٢٠٢٢ بان فيه عصابة بتحفر في الأرض بتاعتي وبحكم سفري الدائم للشغل بعتت اخويا عشان يتأكد لقي الحادثة حقيقية وكلم النجدة وراح المركز والموضوع (………..) وعمل محضر إثبات حاله بالحفر الموجود ده اولا.

 

ثانيا يوم الخميس ٢٨/٧/٢٠٢٢ جالي ايضا خبر ان الناس شغالين من الساعة ٢ صباحا الي الساعه ٧ صباحا كل يوم الحفر بيتم في ارضي ولكن من خلال بيت الجار بلغت منطقة آثار الدقهلية الاستاذ حمدي عبد العظيم ووصلني بمباحث الاثار توجهت للمباحث الاثار بطنطا وقابلت العميد احمد الشريف رئيس مباحث الاثار وقالي اعمل محضر في مركز شرطة تمي الامديد واحنا هنعمل تحرياتنا.

 

يوم الخميس الساعة ٢ صباحا رحت الموقع بنفسي قبل ما اروح المركز وتأكدت بنفسي ان الناس شغاله في الحفر توجهت لمركز شرطة تمي الأمديد وبلغت بالواقعه وتفاجأت ان زوجة المنقب جاية تعملي محضر تحرش واني اقتحمت عليهم بيتهم ومحضر قصاد محضر وانا عشان ابن ناس وسمعتي قبلت انه يتعمل محضر بان حصل مشادة كلامية بيني بين الست دي وتم التصالح في المركز.

 

وحتي الان الناس شغالين حفر علي نطاق واسع جدا بعلم ناس يساندوهم ومش عارف اعمل ايه ولا اتصرف ازاي ولا قادر اروح هناك لأنهم بيهددوني هوا والعصابة اللي ورى الجار عامل حفرة في الجنينة في ببيته ونازل بيها في ملكي، يافندم انا ليا في مركز الشرطة قرار تمكين لمهندسة تخطيط مجلس المدينة لإجراء المعاينة التخطيطية الخاصة بيا والجار بعلاقاته موقف التنفيذ عشان يبقي الأرض كما هيا يعمل فيها الي هوا عاوزة بمشاركة الجيران في عزبة بنيخه يافندم انا مش عارف اشكي لمين ولا اعمل ايه اتمني حضرتك تتحري الموضوع وتتأكد انا اسمي م الشافعي ممدوح الشافعي من الربع تمي الامديد تليفوني ٠١٠٠١٨٨٧٨٨١