تبعثرت مثل الشتات

بقلم / عتيق فايل المخيني

تبعثرت مثل الشتات..ماظل شي فيها ثبات
راحت وجت .. صمت وحكت
مخلوقتٍ فيها حيات.
توّقف لسان الحكي.. وتنهّد القلب الشقي.
سبحان من صوّر بشر.
اكيد هي من هالبشر.
بس تعتبر مالمعجزات.
مخلوقتٍ فيها حيات.
ياحسن بعيونك سحر..ياقدّ ماينقص خصر..ورد وجمر
شهد ودرر.
ظلت تناظر من سكات.
مخلوقتٍ فيها حيات.
ذاك المساء والوقت غيم..في حكيها صوتٍ رخيم.
تمايلت وتبخطرت..ياحسرتي
بس مادرت.. انها املكت كل صفات.
مخلوقتٍ فيها حيات.