الكبر
الكبر
الكبر لله وحده ما ربح فينا متكبر
من يغره كثر ماله مثل راعي الجنتين
ما افتهم للإبتلاء ولا يقول الله أكبر
ومات زرعه وغار ماه وضاع مجهود السنين
لو تفكّر ما تندم لكن أنه ما تفكّر
ظن ماله للخلود ولا لقى لحاله مُعين
يا ابن آدم لا يغرك منصبك بكره يتغير
وتبقى ذكرى للسنين ان كان تذكرك السنين
ورزقك الوافر من الله ياخذه غيرك ويبطر
ما بيبقى غير ذكرك افتكر خلك فطين
وانتبه تمشي بتعالي وانتبه بالرزق تفخر
ما نفع فرعون ملكه مات بالغصه حزين
وخير خلق الله محمد ينبذ أسلوب التكبر
عاش متواضع وعالي عند رب العالمين
والأمير اللي بيده كل جيوش الكون تُقهر
تحت ظل ينام هاني لأنه بعدله آمين
يالله إنّا عند بابك كسرنا يالله تجبر
ونسألك يارب نمشي في دروب الصالحين
قاسم الغريبي
