موتك يابا كسرني.. أشعار جيلاني أنور
أشعار – جيلاني أنور
أنا موتك يابا كسرني
على عمري الباقي حسرني
من غير الأب أنا عاجز
عمل لي في القلب حواجز
لو طيف الأب كفاية
يوضع لآلامي نهاية
كان سندي هو وضهري
على موته هأموت من قهري
دا وجوده بس حماية
من أوجاع الدنيا وقاية
لو هيكل أو حتى مريض
كان نهر بكرمه يفيض
كانت كل الناس بتهابه
ركعت نبابيت لأشنابه
لو ييجي تخف مشاكلي
برحيله هدمت هياكلي
جيلاني
