قصايد الشاعر جيلاني أنور
عم يابو العِلا
في عندي مُشكلة
أتمنى تِحِلَّها
جاري أبو العينين
مِفَتَّح له عِينِين
وعيونه مِفَنجِلَة
ألاقيه ييجي بالليل
وأنا مهدودة الحيل
ضيوفه تقول جيوش
بُجَحا ما يستحوش
في الشيشة يكركروا
للفجر يسهروا
وريحة الحشيش
طالعة م الشيشة فايحة
تِزكِم الأنوف
شاريينه بالألوف
أصواتهم للسما
وأنا أقول رُبَّما
شوية يخمدوا
ألاقيهم مَدَْدوا
والشيشة مِشعللة
لعيوني مِبَهدِلة
حللي المشكلة
ياعم أبو العِلا
جيلاني أنور
———-
طالب
وبعدين يابو العِلا؟
إيه حل المشكلة؟
أيمن ابن أخوك
لِبِس سلسلة
دي أصلا مشكلة
وراح المدرسة
شبه الخنفسة
عيال مُخَنَّثة
راح ناسي المسطرة
عيال مِتكبَّرة
وناسي المنقلة
بيعمل بقللة
كُتُبه مِقَطّعة
هدومه مِبطّعة
مستخدمش فُرشِتُه
ولا وَضّب فَرْشِتُه
في جيبه مَشْرَطَة
حواجبه مِظَبّطة
بقى واقف بالطابور
كأنه في أرض بور
لا كتبه استلم
ولا تحية للعَلَمْ
ولا معاه حتى قلم
مش حافظ النشيد
وكمان واقف بعيد
متقول إيه العمل؟
الواد لا يُحتَمَل
فقدت في الأمل
لازم أأدبه
هاتولي شبشبه
أديله شبشبين
يمكن يفوقوه
مش طالع ليه لأخوه
كان قمة في الأدب
عمره ما اكتأب
وللا أقولك :
هأدعيله ربنا
يرجع سليم لنا
الصبح هأنصحه
مش لازم أجرحه
يا أيمن خد هنا
احلفلي بربنا
وعاهدنا كلنا
إن إنت هتلتزم
من إبليس ما تنهزم
من تاني هتستقيم
هتمشي في السليم
عمك هتفرحه
وصدره هتشرحه
المصحف تمسكه
ولا يمكن تتركه
للحصة هتستمع
بالأخيار هتجتمع
خلاص يا عمتي
برَّأت ذمتي
وهأصفي نيتي
إدعيلي يا عمتي
إدعيلي يا عمتي
جيلاني أنور
———
المنهج
حياتنا ملخبطة
ماهيش متظبطة
علشان غيرنا المنهج
راجل يتجوز راجل
فضايح بقت بجلاجل
بسبب تغيير المنهج
العيشة صبحت مرة
ملابس فوق السرة
لأننا نسينا المنهج
نسهر لطلوع الشمس
نسينا أخلاق الأمس
لأننا بدلنا المنهج
راجل حاطط مانيكير
بنت مصغرة مناخير
عاشقين تغيير المنهج
هلاكنا بسبب المنهج
جيلاني أنور
