كان ياما كان
أيام زمان
القطر بدخان
غذاه الفحم
الناس فيه لحم
والأجرة رخيصة
الناس في هيصة
مفيش تلاجات
ولا مياعة بنات
البلاليص ع الرؤوس
والملح الغموس
الإزيار في الشوارع
اللفت الكوارع
القلة ع الجدار
بالليل للنهار
الصيد بالنبال
عصافير ع الحبال
كلناها ب مش
نطحن ندش
مفيش أي غش
البلاليص ع السطوح
الجبنة بمش تفوح
إل بيتسلوا ب سيجة
لا نت ولا جيجا
الدنيا بسيطة
قاعدين جنب حيطة
نحكي حكاوي
ماهو مفيش قهاوي
وننام بدري بدري
نصحى بدري بدري
نروح الغيطان
ومعانا الجيران
لبعض نزامل
وحريمنا حوامل
لا فيه غسالات
ولا شوفنا شاشات
بنسمع رداوي
لبعض نداوي
شباب ع المصاطب
متجوز وخاطب
ياريتها تعود
أيام الجدود
الجيلاني أنور
