حسن القحل
يهون بعيوني
البعد والمسافة
دام آخر المجمول
شوفك ولقياك
ويفداك ياقلبي
التعب والكلافه
والروح ياسيد
الغنادير تفداك
يا ساكن بقلبي
ومالك شغافه
وبعيوني الثنتين
ماحد يسواك
إنت المها إللي
صادني بالرصافه
أهواك من روحي
واعماقي أهواك
ولا قلت لك اهوك
ماهي ضعافه
عمر الهوى ما كان
ذله واشواك
الحب للأرواح
شهد ولطافه
يزهابه العشاق
مثلك وشرواك
فيه الصراحه
ما بها التفافه
وصدق المشاعر
بين هذا وهاذاك
ولا شك مابه
ضيق أو به حسافه
ليا أهتنت عيني
بشوفت محياك
وابرك الساعات
حزت ضيافه
بك التقي فيها
وأسعد برؤياك
وأكبر غبن أخشاه
صدق واخافه
اني أجيك ولا
يتسنى لي إلقاك
……………….
