الشاعر جمال جلالي _ الجزائر
يــا مرسولي ادي سلامي لسعيدة ڨوللها مشتاق يا مدينة الفرسان
حبك ساكن في عماقي و الكبدة نبـات نهاتي كي العاشـق الولهان
واش يطفــي جمرتــي ليهــا نغدا هـا ڨولي بالله يــا مدينة العڨبان
متوحــش رفاڨتي ومعاهــم ڨعدة نتفكــر مــا كان يـامـا كــان و كان
متوحـش وجـوه و الطريق بعيدة من المجدوب و روح للقرية نشان
متوحـش الحـاج قـادة و حميدا و الناصــر طبيبنــا يـــدواي لحزان
هــود بيــا روح لا وحــدة وحــدة لزيتون طريقنا و طريق الميزان
لڨرابــة خليــت ما منـك جحدة طريقي على LAGARE متهول حيران
لاماريـن حبـاب لبوديـة صدا في مجاجي ندير قهوة يا لخوان
قلبي شـور لكاتســو بالنـار ڨـدا واش يطفي النارها محنت زمان
للرياض اصاحبـي خليـي نغــدا و نمسي ع البدر و نهود نيشان
بن عودة ف النصر نهديه و ريدا و سامحني يالي نسيتك في الغيوان
للرباحيــة زيــد تتحــــل العقدة ذوك حبابي ياك لخوالد فرسان
مـا يكفيـني يــوم و لا ليالي عدة لو عنـد دروبهـا يلــزم ديوان
سلامي ليكم كل يا ناس سعيدة معروفين خصالكــم همة وشان
جـلالي جمـــال كاتــب لقصيدة طالب ربي نشاله يزور العقبان
