عماد ترحيني لبنان
يابيتنا الملهوف تا لاقيك
حاني لقيتك كم حجر لاقيك
متلي طلعت من حالك مهجر
لا لقيت حالي ولا عم بلاقيك
تركتك بأحلا منظر ومظهر
ومتل عينيي كنت داريك
عذرني بحرب ال F والليزر
لافيك تحميني ولا أحميك
رجعت حلمي شوفك منوّر
وحالك تهنيّ برجعتي وهنيك
لقيتك خراب مشقّف مهرهر
لا بواب ظللك ولا شبابيك
ومتل الكأنو قزاز المكسر
كترة ماشظا القصف المداميك
طحن حالو بيشبه السكر
حتى ماجرحو أكتر يدميّك
والبوم عندي حلم مش أكتر
محروّق كنت مطبش مدمر
لوكان من عمري بعد يومين
قضّي الباقي من حياتي فيك
