شعر: نور النهر
يالشعرك وكح
ومطارد ويه الريح
مهرة خيوط الشمس
وقداح من يطيح
نبضي يفوح بفوحتك
من فدوه اروح لرصعتك
شمعة وضوه
شمس وگمر
ليل وصبح
كلهن سوه
رشّة غزل للگلبه جمَّر واشتعل
اركض ورة نجوم الظهر
حسبالي طيفك وانفعل
وارجع ارد ردود للحلم الغفه
بعيون غازلها الكحل
ما ظل الي غير الحلم
بعدك وكح، بعدي أمل
وقداحك يلَوب الگلب
وشمسك ولا تعرف خجل
زخات من تمشي الحجل
والگاع تخضر هيل
لو كعبك يهل
ناعور گلبي وما يمل
كلك حلو وكلي غزل
