حسن القحل
عامك سعيد
وياعسى عليك تنعاد
الأعوام وإنته
ياحبيبي متهني
ياللي لك بقلبي
مناسيب وأوتاد
ما تنتتف مهما
تغيبت عني
وما بيننا حالت
مسافات وبلاد
ومهما ظروف
الوقت عنك ابعدني
ولا يزحزحها
من الصدر نقاد
ولا غيروا بهروجهم
فيك ظني
يا أغلى بشر وإنسان
قلبي له انقاد
والروح هامت فيه
من صغر سني
وحبك حيبقى
بالحشا دوم وقاد
ما تنطفي ناره
ولا يستكني
نابض بأضلاعي
وكل عام يزداد
وساري بوجداني
وبالروح مني
ذكراك في بالي
وصورتك تنعاد
بعيوني كل لحظة
ولا فارقني
يا بسمة أيامي
ويا ضي الأعياد
ويا من باسلوبه
وحسنه فتني
………………..
