عـــــاجل
نا ڨلبي خفڨ عشڨ
الشاعر انور العيفاوي _ الجزائر
نا ڨلبي خفڨ عشڨ
كي ريت سود اهذابه
سهم حبه فيا رشڨ
في وسط المكنون صابه
عني ماحن ماشفڨ
خلا نيراني لهابة
في المكنون سامر يحرڨ
جدي الريم هو سبابه
حبه لساني بيه نطڨ
وڨال نهواه لي عقلي ضيع صوابه
سمح الزول عني طڨ
واش يساوي لي فاڨد أحبابه
لوكان نعرف وين عنه نلحڨ
مانجمتش ماطوڨتش غيابه
وحق اللي خلڨ لي خلڨ الغيم والسحابة
ماتكيدني لصعاب ولا الطرڨ
لي تكيدني فرڨة مصقول نابه
لي تكيدني فرڨة كحيل الرمڨ
لي ماجاني ومادز جوابه فراڨه
شڨ ڨلبي شڨ
عنجاله دموعي طايحة سكابه
