الغربة يا صاحبي
الشاعر جمال جلالي _ الحاج مشري / الجزائر
يـا صاحب ماهي الغربة بُعد وطان
مـاهي راكب موج و بحور داتو
ول رڨاد قنــوت فـي البــرد وحمان
ماهي ذل الحبس طالو ساعاتو
يـا صاحي ماهي الغربة غي تمحان
ولاُ بكـــيْ طلال نيــران كواتو
مـاهي بُعـد خليل عن عاشق ولهان
ناتـرهــا ساعات لحضات وفاتو
الغربــة يـا صاحـبي عيشت لحزان
ماين بين الناس و العين نساتو
الغربــة يــا صــاح فقــدان الحنان
ول عزيز مشى العينين بكاتو
سـال العايش بين اهلو في نسيان
سال يتيم شحال سالو دمعاتو
ها سال للي كان في وطنو و تهان
ميـت بــالحيـاة خلقة عاداتو
سـال نجوم الليل ما فيهم سهران
كم من واحد بات يشكي لوعاتو
ماهي لوعة قيس عن ليلى حيران
ولا بكي سعيد ڨادي جمراتو
سال الذيب للي سرح وسط الخرفان
ويناهو لغريب ؟ هاتوا صيفاتو
ســال الليـث للــي اتحشولو نيبان
طعم الغربة كيف تفهم معناتو
نبهني يــا صــاح لا رانـــي غلطان
سامح ذ اللســان و اعذر زلاتو
سـال الغربة ســال مــا ليها عنوان
غريبـة ذ الغربـة غريب و عياتو
مـــا رانــي نفتـي ولا رانــي فتان
سولني سوّال سلتك من ذاتو
سال مجرب قال يعطيك البرهان
سـال حكيــم تهان دنيا قراتو
للغربة يـا صاحــبي ڨــداش لوان
واهداني يا صاح يرحم من ماتو
طاهر بن منصور و الحاج سليمان
من علمني حرف نتبع خطواتو
سامحني يـا صاحبي نختم لوزان
و نْذكر مــن كــان ناسي صلاتو
_صلاة الحبيــب تملــي كــل مكان
صلى الله عليــه شافيــع اماتو
