حي مضنون لفى

✍ حسن القحل :

حي مضنونٍ لفى
ويا مراحب بالعموم

قلتها من خاطري
للرجال أهل العزوم

والبشر متفاوته
وكل رجال وعطاه
…..

حظ من طرفه غفى
مهتني راحة ونوم

وياعذاب اللي غدا
ساهرٍ ليله كتوم

دمع عينه منحدر
سايل وحظه عصاه
…..

الشعر بحره غزير
وكلٍ إببحره يعوم

ينتقي اصدافها
ويرتقي هام النجوم

ويا سعد من نالها
وجابها وحصل مناه
…..

المعاني والدرر
كايده مثل الرجوم

والقوافي النادره
ما يجاريها الرخوم

لو دفع فيها الوف
وجاها من كل اتجاه
……

يا عسى بأمر الولي
تنجلي عنا الهموم

ويا عسى بأمره عسى
تزبط اوضاع وعلوم

وكل مخلوقٍ وحيٍ
يحصل مبتغاه
…..
والسلام إختام حرفٍ
وابياتٍ تدوم

حامله حب ووفاء
وهاطله مثل الغيوم

للوجيه وللحى
اللي لها قدرٍ وجاه