صده بصده

✍ حسن القحل :-

من باع عشرتنا
ترانا نسيناه
من يوم فارقنا
وباع الموده

خله يروح ولايع
الشوق يلعاه
ويالله عسا روحته
من غير رده

إللي رخص قيمة
حبيبه رخصناه
ونرد له قيمته
صده بصده

باكر يجي ندمان
ويجرجر إخطاه
ويهل دمع العين
لابآح سده

بيعرف قدر منهو
على العز رباه
وشاله على راسه
وأعطى ومده

ويلعن
ابو إللي حرضه
وشخص عباه
وشجعه وأيد
قرآره بشده

خله يصيح
ويختبص في بلاياه
وتمزقه الحسره
سكاكين حده

ويجرع مرارات الأسى
إللي شربناه
ويسقى بنفس الكاس
من صب يده

في لحظةٍ ماعاد
فيها موآساه
ولا عاد فيها
للحقارى …. موده

………….