يا مطول الغيبات ما هي بعادتك
تحرمنا من طلة جبينك ولقياك
كم لي وأنا أتحرى رجوعك وعودتك
وأترقب بلهفة قدومك ورؤياك
ماغاب عن عيني طيوفك وطلتك
ولا غاب عن بالي خيالك وطرياك
كل الجروح اليوم طابت برجعتك
وقرَّت إعيوني بشوفة محياك
هلاّ بك الخفاق والروح حيتك
من عقب سفرتك الطويله ورجواك
ياللي بوسط القلب عرشك ومسكنك
أهواك أنا والله أهواك أهواك
ولااقوى على بعدك ثواني وغيبتك
لنك ضيا شمسي ولي بدر الافلاك
شوفتك تحييني وأسعد برؤيتك
ويقتلني إغيابك وبعدك وفرقاك
فارض على روحي وقلبي محبتك
وبنون عيني ما أرى حي يسواك
ولا به حبيب يسد بعدك مكانتك
لاغبت عن طرفي وشدت مطايك
تكفى رجيتك لي طلب عقب ردتك
خذني معك تكفى ليا رحت وإياك
لا عاد تقطعني وتحرمني شوفتك
إن كان لي خاطر طلبتك أنا فداك
لأني على إغيابك أبد ما تعودت
ولا قدرت أتصبر ولا قدرت أنساك
……………….
