سكنان الروح …
بقلم عبدالله البرمكي _ الجزائر
ڨلبي. بالنبي متعلق مغروم
فهواه تم سكنت روحي
هواه ف الجواجي نازل منظوم
غسلت به نظم الماحي
حبو ما يخلي فالذات هموم
درتوا. من زمان سلاحي
هو اللي فدانا من دين الروم
درتوا. فكل شيء مفتاحي
درتوا في خشايا والد فطوم
لطريڨ ربنا مصباحي
حلال كل عڨدة سيدي معلوم
بذكروا ما تشوف ڨراحي
ذكروا. ما نملوا بايت قيوم
فرحي الهاشمي وافراحي
هادي ليلتو والمولد. مفهوم
البدر. زاد. به. وضاحي
الليل بالنبي. فارح سطع نجوم
لمجيه حط ليه جناحي
مدحي. ماو. وافي لساني مقزوم
نبغي الهاشمي فمداحي
نبغي نعود. مادح. فهواه. نعوم
والعوم. في. هواه. صلاحي
سيدي لا تخلي نظمي محروم
أنا هويت وانت راحي
عبد الله غراموا فيكم. مرڨوم
وعلى غرامكم تبراحي
صل على النبي وخيارات القوم
ولصحاب كاملين سراحي
نختم. بالصلاة. والسلام اليوم.
الداوي بالنبي. تجراحي .
