قالولي احكي عليه

✍️د. لبني يونس :

قالولي احكي عليه
قولت اقول ايه ولا ايه
انا عنده النور لعينيه
وجوة قلبه وغاليه عليه
شفت معاه الهنا
وعرفت يعني ايه الفرحة علي أيديه وانا له جمال وحلاوة الدنيا وهو كمان ليا الجنه
فارس في المواقف وجمب الكل واقف
يدي من غير حساب ومعاه الحياة مفيهاش عقد ولا تعب وعذاب

قالولي احكي علية …..
قولت السعادة نظرة من عنيه
ولو غاب عني لحظه الشوق يخدني إليه
كفاية عليا حسه بالدنيا ومن غيره ماقدرش اعيش لحظه ولا ثانية

قالولي احكي عليه …..
قولت هو راجلي وضلي وسندي وضهري
إرادة ربي اكون وليفته
نسيت الهم معاه والحزن علي أيديه
خلاص انا مش فكراه
اداني كل اللي يقدر عليه وما فكرش حتي هاياخد مني ايه
نفسه عزيزة اخلاقة شرقيه وأصوله صعيديه

قالولي احكي عليه ….
قولت كبريائه كبرياء الرجال
صبره صبر الجمال ومايعرفش يعني ايه صعب او محال
مايعرفش يلبس توب غير توب الرجال
يارتني كنت اعرفه من زمان