توه على الحب
نظم – حسن القحل :-
أحمال روحي ثقيله
والقلب أشعله ضوه
ما لي على البعد حيلة
ولا لي على الصبر قوه
ولا لي على الصبر قوه
يا الله جد بالوسيله
على الشريد المتوه
يامن تسوق المخيله
ويمطر على الروح نوه
ويمطر على الروح نوه
جسمي وروحي عليله
كم شلت ظيم وقسوه
عاشق وضيع دليله
وتوه على الحب توه
وتوه على الحب توه
بالقلب هم ن يشيله
في داخل الصدر جوه
غريب مهدود حيله
مخبوص حاله وجوه
مخبوص حاله وجوه
الناس صارت بخيله
ما عاد فيمهم مروه
كل ن غدا في سبيله
وين الوفا والأخوه
واين الوفا والأخوه
