في يوم الوطن
ثلاث رسائل:
(شكر) للملك وولي عهده ولجنودنا البواسل
…………………..
أجمل تحية للجنود البواسل
الي على حد الوطن يحتمونه
اهل الشهامة والكرم والفعايل
تاطا العدو ودخيلهم يكرمونه
أهل المدافع والفشق القنابل
عدوهم يوم الوغى يحرقونه
كانك تبي البرهان واكبر دلايل
كم طامع فينا وخابت ضنونه
مهما مدحناهم تراها قلاليل
في حقهم والمدح يستاهلونه
من دون حد المملكة ما نجامل
هذا وطن غالي والأرواح دونه
في ظل حكام لهم عز طايل
حماة بيت الله وهم يخدمونه
متوارثين المجد مجد الأوائل
مجد المؤسس والبني يتبعونه
وختامها مني ثلاثة رسايل
محملة بالطيب واجمل دهونه
لثلاثة من باب رد الجمايل
للي عليه الحمل شالت متونه
عبر البيوت الطيبات الجزايل
وتكفون يلي تسمعو توصلونه
الاوله للي (لطم) كل عايل
لسيدي (سلمان) تسلم يمينه
وثاني رساله مرسله بالمثايل
(لمحمد) الضرغام حامي عرينه
والثالثة للي على (الحد ماثل)
يحمو وطنا ودمهم يرخصونه
……..
شعر
حسن بن قاسم قحل
