يا حتة مني…

واخدين إيه مني ؟
يا حتة مني…………..
واخدين حلاوة
مع الهداوة
واخدين ذكاوة
يا غاليين غلاوة

واخدين إيه مني ؟
يا ساكنين في نني….
واخدين ثقافتي
كرم ضيافتي
حتى نحافتي
ما إنتم خلافتي

واخدين إيه مني ؟
عقلي وسني……….
واخدين حياتي
ماضي وآتي
وذكرياااااتي
يا ماليين حياتي

يديمكوا ليا
يحببكوا فيا
يعلقكوا بيا
إنتِ و هيّ
من السنين دي 100
يا أجمل هدية

جيلاني أنور

مقالات ذات صلة

زر الذهاب إلى الأعلى