شباب بسلسلة.. فضايحه مجلجلة
بقلم : جيلاني أنور
شباب بسلسلة
فضايحه مجلجلة
أخلاقه مشكله
حياته مبهدلة
بنطلونه حجره نازل
في بنات الناس يغازل
يرقص زي الزلازل
بالخيط حدد حواجبه
محدش في الدنيا عاجبه
لابس بنطلون محزق
شعره بالجل لزق
آخر مسخرة
كشف المؤخرة
فاكرها مفخرة
عامل في راسه قصة
جايب لأهله غصة
مدمن وقوف نواصي
لأهله وربه عاصي
هدومه مقطعة
فاكرها مجدعة
ناقصله بردعة
يمضغ في اللبان
بيقلد النسوان
فاضل إيه كمان؟
