دكتور..
دكتور جيتك اشتكي ضعف الأعصاب
بالقلب رجفه والكفوف ارتعاشه
بالصدر دقات ن تقل طبل حراب
ولا عاد في قلبي رباطه وجاشه
والنوم عيا لا يجي طرف الاهداب
وكثر السهر سبب لعيني عماشه
والوجه ذابل يشبه الشمع لاذاب
غاب الفرح عن ناظري والبشاشه
لاطاب لي مرقد ولا النوم لي طاب
والجسم مما به مجافي فراشه
مافادت الحميه والاطب واعشاب
ولا فادت الرقية ونفث الرشاشه
مدري المرض عله أو فراق الأحباب
سبب لروحي لخبطه وانبراشه
عجزت اشخص علة مالها اسباب
ويش البلا إللي صاب جسمي وناشه
من كثر ما اطرق عيادات واسياب
ومفاصلي والعظم تشكي هشاشه
كل من سمع شكواي يذهل ويرتاب
مايدري عن ونار ن بجوف ن تواشه
شوف الظغط شوف النبض شوف الأسباب
من قبل روحي تنتزع كالفراشه
وإن كان مالي دلة عند الأعراب
بانصى العجم والفرس وأرض الحباشه
عللي الاقي دلتي عند الاغراب
من دون لا مشرط وجرح ن وشاشه
والله يبلا من بلاني بالأعطاب
وياجعل ما يوقف بلحظة طراشه
…….
شعر
حسن بن قاسم قحل
