الشاعر جمال جلالي _ الجزائر
نظرة من عينيك صابتني ف الڨلب
سهم و ترشڨ داخلي لا من ردو
رمشك رمح و جاي لهوايا صوب
و جناتــي مـن قوتــو ثانـي ندو
تفاحـة ع الخـد مرسومة تعجب
مللي ضاوي زيـن سهواتـو يعدو
وشفايـف وردات بنعمـان رطب
ولـي هايـم فيـك يتبحـر وحدو
الشعـر المسدول باللون مذهب
ذ الخــزرة خلاتنــي والـــع ودو
ذ لحالـة خلات هذا القلب تعب
يتعذب ممحون وستسلم جندو
يـا عيــار الزين ذ الطفلة تسلب
ويــا عبار محاينـي عني جحدو
ماشافت عيني غزالة فوق العلب
لهات الصياد و سمح في صيدو
ماصبتش كيفاه سَكْنتلي ف الـڨلب
شَطْنَتْني و هدات عدياني سعدو
ڨدايـت نيران فـي جوفي تلهب
و الكبــد و الجوف مـازالو يڨدو
يتبع …
